شاعر الأقصر حجازى يونس عمارى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

شاعر الأقصر حجازى يونس عمارى

إبداعات متنوعة من ألوان الشعر العامي العربي
 
الرئيسيةالرئيسية  أحدث الصورأحدث الصور  التسجيلالتسجيل  دخولدخول  

 

 https://www.facebook.com/hegazyyounis.amary/videos/1311713938897548/

اذهب الى الأسفل 
2 مشترك
كاتب الموضوعرسالة
حجازى يونس عمارى




المساهمات : 54
تاريخ التسجيل : 25/07/2015
العمر : 46
الموقع : hegazyyounis59@gmail.com

https://www.facebook.com/hegazyyounis.amary/videos/1311713938897548/ Empty
مُساهمةموضوع: https://www.facebook.com/hegazyyounis.amary/videos/1311713938897548/   https://www.facebook.com/hegazyyounis.amary/videos/1311713938897548/ I_icon_minitimeالأربعاء فبراير 22, 2017 8:33 pm

الرجوع الى أعلى الصفحة اذهب الى الأسفل
حجازى

حجازى


المساهمات : 23
تاريخ التسجيل : 20/01/2019
العمر : 46
الموقع : شاعر الاقصر حجازى يونس عمارى

https://www.facebook.com/hegazyyounis.amary/videos/1311713938897548/ Empty
مُساهمةموضوع: رد: https://www.facebook.com/hegazyyounis.amary/videos/1311713938897548/   https://www.facebook.com/hegazyyounis.amary/videos/1311713938897548/ I_icon_minitimeالخميس يوليو 04, 2019 12:43 am

لتصويب الرماح روقه
فى المخ ما إلا مطابع
بتطبع افكار محروقه
يا قلب ع الظلم طابع
سم التعبان ف عروقه
وانت لسه أولى سابع

...
مهما إتخفى ما ف راسك
ولا بين كلامك ولا ديلك
جوه قلبك ولا إحساسك
لا اقولك حاجه ولا اديلك
حاسك من نبذة وسواسك
جاسك عارفك ومتصديلك
عارفك من أصل ناسك
وقعادك على عوكة ديلك

...
مهما إتخفى ما ف راسك
ولا بين كلامك ولا ديلك
جوه قلبك ولا إحساسك
لا اقولك حاجه ولا اديلك
حاسك من نبذة وسواسك
جاسك عارفك ومتصديلك
عارفك من أصل ناسك
وقعادك على عوكة ديلك
...
دى نار جهنم ما تطفى
نار اعدائك ولا تطفيش
هى كلمه يا عرب تكفى
بابك متطفش تطفيش

...
"ورقه وكربون"
يا قلبى الحنون
يا كل المحبه
يا كل العيون
قلبك فيا إستخبى
خلق فينا الجنون
لا قادر يخلف ربه
رغم النظره سيف مسنون
واللى مغروث ف قلبه
حب يسيد كل القانون
لا يعرف شرقه من غربه
ولا يعرف اى شئ يكون
إلا غير أنه يحبك بالكاف والنون
مهما الليل لف
على رقابينا ضلمته
قلبى عمره ما يستكف
حبك بضميره وذمته
لو النجوم وقفت صف
قلبى مايخلف كلمته
ومهما كل الخلق لجل حبك ظلمته
مهما كل السفها وكل الناس الدون
لجل حبك حاربته
والحرب ما زال لسه ف قلبى
فى ميدان اشباح مشنون
قلبى ده نهر نيل لو جف
اعرف انه نهاية الكون
لو النجوم وقفت صف
حبك ليا ولا هيهون
ياللى قلبك ليا شف
كما ورقه ف كربون
...

واللى إفترى جاب ورا
ومرشالين للخلف دور
واللى تصرف عليه مره
عن كلمة راجل محظور

...
جوع البطون شرف
جوع النفوس قرف

...
دنيا يا دنيا
يلا تعالى ع المتعالى
ابن الكلب
ايوه يا دنيا وفهميه
انك فانيه
ايوه يا دنيا وعلميه
حاجه تانيه
إنه يعرف يقول يارب
...
نفوس الخلق فيها فجعه
زمن الهنا راح مالوش رجعه
واللى اشتكيت له ف همى
لقيته بيشكى لى مواجعه
...
رايدين لقوم يبقى ساده
وهو ما يحلالوش النوم
غير وقت العمل والعباده
على ما انه شارب قهوه
ومحوج ساده ف ساده
مافيش فساد من فوق
ده بأيده صانع فساده
ورايدين كسلان يفوق
...
إهدى الامك صوره
ارسمها بأجمل بسمه
كل القلوب مكسوره
ماهيش مجرد رسمه
...

يا ابو مبدأ مكسور
وف رأيك متشحتر
وكل شويه بتثور
ع الاوهام بتتمختر
عايز صاحب قصور
بين ده وده بتتبعتر
طلع مخك مكسور
موش أقل ولا اكتر

...
من اتقى الحرام
لما اضطره طير
حكم عليه بالغرام
ولما أصبح امره خطير
قالوا الغرام ده حرام
وجابوا طرطور م الطراطير

...
مشي ع الحبل
دوغرى سريع
بهلوان بيتنطط
ياريته الحبل ما كان له مطيع
ولا من قبل كان خطط
ولا هندس ولا بنى مشاريع
آه يا غلبان تعا قرب
كان له مطيع
راح يتدرب
بداها الحبل يتمطط
الغلبان بعد ماجرب
والله السميع وقع إتبطط
متغرب بيتهرب
بعد ما كان فرحان ومظقطط
اتارى الندل مافهوش عدل
بقيت تايهه مابين اتنين
بينه وبين المخطط
مشى ع الحبل دوغرى سريع
بهلوان بيتنطط

...بنيت الظن بالخيبه
ليه تسيئه لمن عدك
بين لحباب والشيبه
ماموقفاك عند حدك

...
شكوت الناس عند الناس
والنفاق بدا فى التلميع
إعرضها على رب الناس
رب الكون عدله السميع
...
عصيت الله فقد أبكاك
ياليت الدمع كان توبه
يا بخته من يوم أحصاك
ودمع الذنب غسل توبه
...

اثر الحزن وخطوته
فى طريق الليل عديته
ولما قلبى جه لفرحته
الحزن اخدنى عديته
بنجم الليل اللى بيبكى
ودموعه نازله كما بلور
حزنان على حالى وبيحكى
وف ريقى الحنضل مكسور
ويا عابر الدنيا كيف حالك
بالاحزان هتموت محسور
ده سهل ليه يبقى محالك
ده لجل الله عدك منصور
خد من نور الله فالك
بقناعتك هتعيش مستور
...

كلمه كلمه تاريخ وشرف
لكل مكان وزمان تعيش
وكلمه ف وقتها تتعرف
مع الزمان بتبقى مافيش

...
الناس الزينه اصولها الزكيه
فى القلوب بالماس تترصع
ومهما الواطى سرق تزكيه
الميه ال تحتها نار بتخسع

...
شوفت الديب من فجره
راح يفحت لناس مطب
بعد ما دفع الاجره
هو اللى فيه إندب
...
انا كل وقت قضيته
بدقيق آلام مخبوز
وكل طريق عديته
رجعته تانى منبوز
القدر اللى إتحديته
ضرب فى وشى بوز
حبيبى اللى انا وديته
واللى بيهم موش بيلوز
وقلبى ارسلته لما وديته
قولت له تعال ارجع تفوز
ماكان فى غير اللى عاديته
وقالوله تعال انت يا اراجوز


...

والله يا ابو العم
ماتعرف ذنبك والمك سور
ايه يعنى اكل شارب مستحم
شوف كام خاطر يتيم مكسور
عايز اكتر من كده هم
ولقمة عيشه خطفاها نسور

...
والله يا ابو العم
حال العرب ما يصر
ماشيه بالبركه وباليم
ف ديلها بتسرسب وإتجر
آكل شارب مستحم
مش فارقه معاه يكون حر
...
والله يا ابوالعم
ياطابت ياتنين عور
لقمه حرام مخبوزه هم
بلاش عنها خليها إتغور
سيبها سايره كده باليم
ماكانتش هى من الحور
...
اربط لسانك لا يكويك
والا تلاقى السر سار
مع صايغ حاقد هاويك
كل حلمه يكون صرصار
...
انا لو رئيس الغرام
ما اعتصم معتصم
ولا ابيع غالى بحرام
حبيب لحبيب يقتسم
...
من قلبه ف ايد الغير
اكيد عقله ده مختل
وفى نظر نفسه اثير
واشبه بالمحتل
...
ابيض موش عاجب
اسود احنا مايعنناش
يبقى لا بد مانتلون
إلا القلب والعين والحاجب
لجل الالوان ماتأذيناش

...وخدانى بالنينى اهرب فين من طيفها
يا قلبى فكك منى عايزنى استعطيفها
ولا حتى اقول حنى عايزنى اكلمهالك
انا شايفك خايف هتلاقينى خاطيفها
وكمان فارس بيسايف وهو جايبهالك
...

الهموم موش كوره
لجل ما اخدها على صدرى
اباصيها أو اشوط ف الجون
نبتت معايا من جدرى
والله يكون فى العون
...
آه يا بن المحروق
ليه الحاله لما بتروق
مابشوفشى ولا غبارك
تغطس ولا عارفك فين
ولما يخلصوا بتجي لى
ولا قولتش خد دوق
...
سامع نبضك الغالي
بيقول حبيبى الغالي
وانتى بتعاتبيه
بتقولى وانا مالى
يا قلبى حابه ليه
ما انا عايشه ف حالى
قلبى رد وقال
سيب قلبك براحته
يعشق ويحب امال
قلبى لو كنت منعته
ما كانشى قلبك جالى
ماتقولى مالك بيه
صوتك معاه كان عالى
مهما تتنرفز
القلب بينفز
كل اللى حاسس بيه
مهما عاتبت القلب
من حبى ماهوش خالى
انا زيك يا حبيب الروح
قلبت الدنيا دى قلب
لجل ما اهرب من خيالى
ده ورايا بين ما انا اروح

...
يا نهرنا الهادى
يانيل سوا بنجرى
يا نخلنا العالى
يا ضحكتى وذادى
وطبيعه غير عادى
وقمرنا فى العالى
يا صبح يا بدرى
شأ شأ وتعلالى
نوصل هنا الوادى
يا شمسه شموسه
موج قلبى متدفق
ايام وليالى
يا نجوم بتصفق
طايره وجيالى
يا نهرنا الهادى
وشطه متضفر
قمرى وتعلالى
من غير ما تعلالى
اخدك بتوب حجرى
يا نهرنا الهادى
يا نيل سوا بنجرى
...
سلك الارواح سلوك
ما يعانى إلا السالك
يا من ترون
عبر القرون
شخصكم فقراء
انتم الملوك
انتم الامراء
ساعة نهاية الكون
عندما يكون
كل شئ هالك
يا آل محمد
يا نور الانوار
من وجه المالك
يارب نجلس جوار
محمد نبينا
نجاة المهالك
...
يا زهرة النرجس
عطرك مازال فيكى
يا حنان متكدس
محبه فى ملامحك
يا اللى برستيجك هاى
يا ضحكة زمان
وقلب بيتحدث
لكل وقت جاى
قلبى شايفك تلاتين
فى الشمس لون والضل
مره بشوفك منجه
مره بشوفك تين
ياجناين تفاح
وأجمل هلال بيهل
يا زهرة النرجس
يا اللى عطرك فاح
وانا قلبى بيبرجس
نساني كل الزل
وسنين الكفاح
يا عيدان الفل
على شط شتا دافى
قلبى قال لعبيرك
على ريقى عدى ومر
يا عبير شافى
للى داق المر
يا قمر بيهل
ساعة النهار ما يكون طافى
...









عدل سابقا من قبل حجازى في الخميس يوليو 04, 2019 1:20 am عدل 1 مرات
الرجوع الى أعلى الصفحة اذهب الى الأسفل
https://hegazyyonisaloksor.forumegypt.net/profile?mode=editprofil
حجازى

حجازى


المساهمات : 23
تاريخ التسجيل : 20/01/2019
العمر : 46
الموقع : شاعر الاقصر حجازى يونس عمارى

https://www.facebook.com/hegazyyounis.amary/videos/1311713938897548/ Empty
مُساهمةموضوع: رد: https://www.facebook.com/hegazyyounis.amary/videos/1311713938897548/   https://www.facebook.com/hegazyyounis.amary/videos/1311713938897548/ I_icon_minitimeالخميس يوليو 04, 2019 1:17 am

مهما كان متواطئ
وخدع البحر بغشه
بكره يرجع يا شاطئ
لجل ما يغسل وشه
وان طلع عاد خاطئ
بالرمله يا بحر رشه

...
طول ما هو القلب طيب
طول ما هو ف القلب لين
كرم الله عمره مابيخيب
طول ما بالقناعه قابلين

...
كل ما ياجى يوزن
لجل ما يكمل نقص
يلاقى شئ يحزن
يهرب يكمل رقص
مالكش حل لنفسك
الا دابما ناقصه وعايزه
غير عدم التركيز فى نقصك
لو فى قناعه كرم روحك بجايزه
والا هتفضل طول عمرك عكسك
كل ما تحاول ترضيها تغايظك
...
ليه يا صيف إنت حر
ياما قولت له وعدت له
ايه ده قام الغرق بعد ما نتحر
اتاريه موش عايز يموت
هو بيبحث جواه عن شئ عايز يقتله
...
يا نخل مالك ومالى
ويا دلى منك يا دلى
كل ماتشمخ ف العالى
يبقى الاقى فين ضلى
ومانزلتش غير بلحايه
يبقى ايه اللى فاضلى
...
إن ادا الأصيل حصان ليك
ينساه وبيه ما يفكرك
والاصيل إن صح صان ليك
فى صهيل الخيل يتزكرك
...
اه يا غلبان ما تلاقى جنبك ولا نفر
عالم بليد تعبان من غلبه كمان نفر
لما ربنا عطاك كام واحد م الارض نفر
كما ميه خرجت لك بعد الله ما رواك
بعد ما بك كفر دلوقت حارسك بالغفر

...
اكتب يا قلم مقال
وانت يا قلبى نثر
المصرى كل ما قال
انتى يا مصر نصر
...
الكلب إن عوا زلهم
الوقت انا عشته كا هارب
انصرهم على عوازلهم
يرمونى ف نار وكهارب
...
انت على نياتك
زى واحد زمان
اسمه حجازى كان طيب
بس الطيب فيه ده مات
طاب والله كمان وحياتك
من قتلوا طيبته وعاتبوه
وقال سألوه وليه إتغيرت
قال لا خلاص ولا بلاص
الطيب بقى روحوا هاتوه
إن قدر فيكوا اﻹخلاص
ده حيبقى اكيد معتوه
الطيب بقى فبه انياب
لما سألته انياب مين
قال لعالم غراسوها
ولا بد ما ياخدوها
...
يا ليل العتمه ليه كاحل
كا موج البحر ع الساحل
دا اللى ف ضلمتك داخل
دخل جوه جه متشوه
يا الف لا حول ولا قوه
مين قال لك إغوى المناحل
...
مصر تلد والاخوان تبيض
مصر تنجب ابطال احرار
الاخوان صنف العبيد
واخرهم واحد دولار
...
ويا قلبى لما تقوى إغوى
كام غلبان ف الفخ لاص
لما لنفسك يوم تهوى
دلوقتى لو مية الف خلاص
مالهومش عوزه ولا شروه
مابقاشى زمان فيه اخلاص
بدل الصابونه تشترى باروه
...
يا قلبى لما تاجى تفاريح
يركبك بقى مية وسواس
وإتعيش لى دور الجريح
فى همومك وهموم الناس
اه يا قلبى ما تبقى صريح
انا مالى ومال الاحساس
اللى جايب لى كاس ريح
وهواجس مالهاش اساس
ليه عاملى الفرح بتصريح
واخترع الاحزان واحتاس
قلبى مالنا ومال الغلب
احمد ربك وكفايه
مالناش فيه ميه ولا شرب
ليه عامل لى الف حكايه
...
حب الارواح ثمر نضيف
مهما سهامنا عنه خابت
حب الجسد ما إلا جيف
من شياطين ونار نابت
يا رب إلهمنى انا ضيف
ارجعلك وأوقف ثابت
...
هى شجرة محبه
دايما تطرح بركه
انتى حبه وانا حبه
احنا روح مشتركه
...
إتغلى الرخيص ما يغلاش
وغير عليك انت مايغلاش
ولا تتواضع يوم للواطى
لجل ف نظره ماتوطاش
سيبه بتمنه ولما يطاطى
بيطاطى لجل مايعلاش
...
سؤال جواى متكرر
لما اقول لقلبي إشرحه
يرد عقلى يقولى إتحرر
ده الف سؤال هيطرحه
حاكم قلبك ده طفل
بيبكيك وموش ذنبك
اربط عليه بالقفل
لجل ما يترزع جنبك
كل شويه فاتح لى مقرر
خليه قاعد مطرحه
وإياك يقعد يبرر
لحسن حد يجرحه
وتيجى عليا إتمرر
انا عقل وبيا تنصحه
ولا فى ريقى تمرر
...
حلفت والله ما حاضر
فى قعادهم نميمه
عملوا فيا محاضر
وخد عاد الشتيمه
...اندفن فى التراب
سوا با العافيه ولا بزوقك
ولا استدعى يوم اغراب
لجل يا مصر ما اخرب فوقك
وف داهيه الخراب
سلامى يا مصر إليكى
ومهما مين عمل فارسك
مايكتفش ايديكى
ويضرب جندى حارسك
هو أن كان عاقل ومخلص
ولا عارفك صح ولا دارسك
كان جاب لك ارهاب
لولا ما مفلس وبن مفلس
واللى عامله غسيل غبى
لو كنت ولى صالح أن صح
ولا حتى شوية عيال
ماعرفين غلط من نصح
العقل اصبح مغسول
لحد ما فهموا انك نبى
بشوية كلام معسول
ماهو المغسول ما كمان غبى
...
الدسوس
فيك ومن جواك وف عبك
ماتعمل ايه ده موش بهواك
شئ غصبن عنك يا ضرير
ينصحك يا عبيط وغواك
وتمشى ف طريق الضلال
ويرجع يلعنك ويسبك
ويسوق عليك الدلال
الدسوس
فيك ومن جواك وف عبك
آه يا صنف العرب
يا مخ مليان سوس
كام وطن فيك إتقلب
مع كام رئيس مرؤس
عرب يا كارة حلب
الدسوس
نابع منك انت والبكره
مربوطه ف قدمك
والفتله
مابين ما تروح بتكر
والعرب ما حدش فحتله
البوره ودفنه وغباه
غير هو بنفسه زرع الشتله
لو كان فيهم ده موش حر
هو شاركه بعبطه وغباه
مع اللى عامل بيحبك
ياخد المصلحه ويفر
ولما يرجع يكبك
انت ع الأيادى إتبوس
الدسوس
فيك ومنك وف عبك
وانت بالخصوص
اللى ف وطنك بتضر
وانت سبب اللصوص
يا دسوس
...
توهت ف درب الهوا
طريقه صحرا مشقه
كام ديب فى الليل
وكام كلب عليا عوا
ساعة القمر ما تهل
كنت بشرب سلسبيل
لحد ما كنت بمل
انام الليل واصحى
على شمس مافهاش ضل
وطريق سراب ناصعه
كما فضه ف عينى بتلمع
آه يا قلبى يا ابو القلوب
مالك كده منضاق
عيشها الدنيا واسعه
ياما قبلك فى الهوا
لقوا سنين ودروب
واسأل قبلك من داق
حلاوة الحب ولا إتكوا
محبه وغيره وترياق
وقولى مين فيهم
لقى الدوا
ولا حتى العشق
ماعلموش لخلاق
...
يا اللى انت عامل لومانجى
لو لك ف الجيش إبن
عمرك ما هتبقى إخونجى
ولو جعان بتاكل تبن
...
يلا كب رياء
اشرب كاس واتنخشش
وعامل لى عندك كبرياء
وفوق وبالنفاق حشش
...
اسكت ماتبكيش
الظالم ده معاه وده معاه
خد بالك ده كله تبكيش
وهيرجع ع الخد دمعاه
...
والعبس والخرف
متلصق ف الملل
والقرف بالترف
مطبوخ ف الحلل
والطباخ إعترف
وطابخها بالعلل
الشرف إنجرف
حب يسكن فلل
...
وجهت الشكوى إليك
وبتحسبن فى من ظلم
يا اللى ما حدش عليك
انت اللى عالم بالألم
...
القدم دارت سنين
على لقمة عيش بيطوف
ماشافش فى بلده حنين
غير الحرمان والخوف
بطنى وتستاهلى
قصك بالمقص
اتهنت من احبابى
واتهنت من اهلى
وكنت لما اوصل قدام
اخد ضربة مقص
لجل ما ارجع بين اقدام
اللى ما يرحموش
المصرى ياما اتفرم
ف كروش الوحوش
ولما دار بقره ف ساقيه
عن كل حقوقه اتحرم
لما تعب م الشوف
بدل الوش وشوش
كما أنه بيعمل بحث
القدم طاف سنين
على لقمة عيش بيطوف
وأجل القضيه
لحد يوم البعث
...
يا حبيبى يا حرامى
ياللى انت سرقت غرامى
لجل ما تعمل بيه برستيج
وانا فى نظرهم إجرامى
...
وبعيدا ع الشك
ولا يلزمنيش كلامك
ولا عايز حتى أحتك
وآلامى نفس آلامك
فى اللى اتحطم وإتباع
انا وانتى وكل احلامك
دى الدنيا دى ليها طباع
وحجات كده عك ف عك
خلت حلمنا يتهد
حكم الفرمان والصك
لكن حبنا جوانا
حافظينه بعيد ع الشك
وبناخد منه دوانا
وشعور كما أنه شعاع
حبنا الابيض عنوانه
وبينبض تك إت تك
يبقى بعيدا ع الشك
...
رغاى ومالكش رغاوى
باللى فيها أو من غير
يا اللى انت لمصر غاوى
دى كنانه وارض الخير
مترابطه كنيسه وجامع
مفتوحه ساحه ودير
غصبن عن عين الطامع
مترابطه ليوم الدين
رغيت ولا بقيت لامع
مصر سيف ذو حدين
...
مالى ومال اليأس ده كله
مالى ومال اليأس
مالى ومال الحب و ذله
قلبى الف لا بأس
...
عامل نفسك شاطر
نفسك ما إلا قايداك
عا الموت والمخاطر
وبنار الاخره قايداك
...
*
شلابيك
فى
وشوش بهتانه
ماشيه ف الطوفان
وشياطين بتولع
طاله م الشبابيك
دخانها مشبر
شلبكوا الشلابيك
القلب تراب صافى
ع العالم بيغبر
لون عيونهم نحاس
سحابه طول الغيابه
نور القلب طافى
ماتقولشى عليهم ناس
والعقول يا القدر
طوبه طين وطوبه حجر
بالداخل قرافات
مالهاش مخرج للحياه
وعلى الله الرحيل
ياللى انت عندك نظر
الوطن لله
ودم الضحايا
على ارواحهم سيل
روح هناك وإتطلع
ايه ده اللى انفجر ؟
روح لو تقدر تتبرع
للنخيل والشجر
يمكن ده النافع
شرب من نيلها وتمر
هما دول الغجر
أشباح ساكنه الليل
مهما فيهم غمر
شايلين للوطن مدافع
للمدنيين والعساكر
والكنايس والجوامع
عمال يخرف يعافر
ويقولوا الله أمر
وربنا ماله بيك
لما انت ميت كافر
ولا هى دى شلابيك
...

علشان حياة قلبى تدوم
أسيبها عليه يعدى اليوم
بطل يا عقلى لخبطه
مالل وعمال شخبطه
بطل كسل إصحى وقوم
طبيعى الخلق اغلبها
بالخبس دايما تلعبها
...
بدم القدس السايل
وعلى نغم الاحتلال
إكتب للعرب رسايل
بارك لديسكوا حلال
...
مهما قلبك بالزيف طاف
ياللى انت بتزيف خاف
دا اللى ينافق خلق الله
محجوبه عنه الالطاف
دا الزيف ابدا ما ينجى
زيف عيشها مسترجى
حصادك كله استعطاف
ريشه من كل فرارجى
...
ذكر الله وذنوب بتخف
قلبك يوسع يبقى براح
إوعى لسانك عنه يجف
دا لقلبك موكب افراح
دا أنواره بتدور وإتلف
ونبينا ف القلب بدور
قلبك لما يذكر هيشف
وجهك يتبلسم بالنور
...
يلا يا عرب هس هس
ولا تنفع طبله ولا طار
ومالكش غير كلمة أس
ودا حرامى خد بعضه وطار
يلا ارقص على وحده ونص
ولا لك مينا ولا مطار
كل ما فيه امريكى بيمص
ع الجزار قولتوا ده عطار
...
طول ما انت لأى حد
تعرف تتأقلم وتعيش
يبقى بينى ما بينك سد
وبصراحه ما تلزمنيش
...
وياعالم متعجرف ليه
كاره نفسه وكاره روحه
وش الفقره وعامل بيه
اه وياعالم لما اتفوحوا
حتى الصيف قالب بما فيه
يلا كفايه خلاص ماتروحوا
دى فظاعه ومالوشى شبيه
اشربوا يلا فى روحكوا ودوحوا
ده الفاضى مين حيعبيه
...
خبط فى الايام عافر
خبط خبط فيها شخبط
سيبك م الراسمه أضافر
عيشها جرئ ولا تتلخبط
انت موحد موش كافر
تعكس الوح واستعبط
...
دنيا بتهدا قوى وإتدور
على واحد واحد بجور
مين غيره ديموم للأبد
والمخلوق فيها ف كبد
مهما يعيش جاى الدور
يابخته من صلى وعبد
...
خد ف نفسك والخاطر
كل احزانك ما تشعشع
هدى نفسك يا شاطر
وبلاش جواك تفعفع
ولا حتى بروحك تخاطر
...
امشى ورا قلبك كده جص
لو انت فى قلبك محروق
دنيا جميله قوى هنا بص
كل اوجاعك فيها هتروق
دنيا يادوب فدان ولا نص
هى آخرها غروب فشروق
فصل حلوك على كيفك
مر أو احلو اكيد هتدوق
خلى قناعتك فيها سيفك
وبلاش قوى ع القلب اترص
شتاها شتاك والصيف صيفك
امشى ورا قلبك كده جص
هتلاقى الربيع مخلوق
لجل الورد ما زيد النص
...
خاب فى ظنى الظن بى
عندما ظننت أنى
ف بلادنا يفطن إرهابى
واكل شارب من نيلها
ينشد ينحنى عزا وفخرا
من غير ما يحنيلها
...
المصرى حط ف معلومه
انه خلاص موش بيخيل
إلا غير ع الظلومه
ومعاملة البخيل
وان اخد جناحات الصقر
وطار حبا فى بلده
موش هيخيل غير ع الفقر
والولاء لمن جلده
...
خايل علينا الغلا
خايل علينا الجوع
والفقر كما أنه الحلا
على الغلبان مطبوع
كرش الحرامى إتملا
مين غيرنا يكون جربوع ؟
غلبان ومسمسم يا ولا
ده الصقر ما يبقاش صقر
والمصرى ما يبقاش مصرى
حقاش يخيل ع الفقر
الضحكه بالجلا جلا
مولوده من ده اليأس
وقلوبنا متزلزله
والعيشه الف لا بأس
مريضه متسلسله
طاب نفهم ايه الموضوع
روح يلا ما ناقصاش بلا
لو عجل جاموس مرضوع
أهل الكرم آ وهلا
والشعب عاش مخدوع
...
مهما نهرب نغيب كطير مطلوق
علم الغيب مايخصش المخلوق
أحسن نيتك والا انت المحقوق
وادعي الله ومسيره يا متعسر
حالك يبقى آخر حااوه واتروق
...
الرجوع الى أعلى الصفحة اذهب الى الأسفل
https://hegazyyonisaloksor.forumegypt.net/profile?mode=editprofil
 
https://www.facebook.com/hegazyyounis.amary/videos/1311713938897548/
الرجوع الى أعلى الصفحة 
صفحة 1 من اصل 1
 مواضيع مماثلة
-
» https://www.facebook.com/hegazyhegazy59/photos/a.1430091837292199.1073741828.1430068133961236/1430091940625522/?type=1&theater
» https://aegypten-individualreisen.jimdo.com
» https://aegypten-individualreisen.jimdo.com private tip top reisen

صلاحيات هذا المنتدى:لاتستطيع الرد على المواضيع في هذا المنتدى
شاعر الأقصر حجازى يونس عمارى :: الفيديوهات والصوتيات للشاعر حجازى يونس-
انتقل الى: