وآدى الناس عماله تتحادق
مين الكداب ؟ مين الصادق ؟
تخاف السكر يغشوه لك
تدووق طعمه تلاقيه حادق
وابتكار عمال أذكار
ليه أستحل النصب كار
وعدة نصبه صلاه واذكار
جم سألوه قال ده أبتكار
وبدل الشوم شالوا بنادق
وآدى الناس عماله تتحادق
مين الكداب ؟ مين الصادق ؟
تخاف السكر يغشوه لك
تدوق طعمه تلاقيه حادق
أبعت يلا قوام حواله
حبعت لك م الدهب شواله
وآدى الطماع خسر أمواله
اللى كان يحكى فى مواله
كان نفسه يملك فنادق
وآدى الناس عماله تتحادق
مين الكداب ؟ مين الصادق ؟
تخاف السكر يغشوه لك
تدوق طعمه تلاقيه حادق
ياللى جنيهك مالهوش اهل
كيف نصبوا عليك يا ابوجهل
ده ابتكار الساذج السهل
يحفر فى القصب خنادق
وىدى الناس عماله تتحادق
مين الكداب ؟ مين الصادق ؟
تخاف السكر يغشوه لك
تدووق طعمه تلاقيه حادق
الناس عاشت مع الديابه
من كتر يابا ما بقيوا غلابه
شوف البشر شوف الكلابه
نسييت أن الله الرازاق
ليه الكدب بقى فينا لاذق
وآدى الناس عماله تتحادق
************
وتفضلوا بقبول وافر الاحترام
قلم/حجازى يونس عمارى