شاعر الأقصر حجازى يونس عمارى

إبداعات متنوعة من ألوان الشعر العامي العربي
 
الرئيسيةالرئيسية  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 مربعات الواو للشاعر\خجازى يونس العمارى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حجازى يونس عمارى



المساهمات : 54
تاريخ التسجيل : 25/07/2015
العمر : 39
الموقع : hegazyyounis59@gmail.com

مُساهمةموضوع: مربعات الواو للشاعرخجازى يونس العمارى   الأربعاء يناير 18, 2017 12:26 am

[rtl]عايز جيل اتعلمه
يبقى فوق بعضه
وبعد ما يتعلم سلمه
الرايه يليه من بعده
مش زى جيلنا سلمه
والتانيه طبقه بعيد بعده
----------------------
ياشعب عايز ينام
ياشعب عايز يتجخى
لما ترمى عليه السلام
وهو نايم ولا مستحى
***
ياشعب شارب واكل
وعلى ضهرك اتكى
ينشب معاك المشاكل
تقول له ليه تلاقيه بكى
---------------------
يلا يا عالم بلا لين
وانشف تبقى صعب
وكفايه تنفخ بلالين
الواطى مايلبس كعب
---------------------
يا شعب صبر لما تظلم
ما مافقشى غيرلما فاسه
حد ما ضعف وانتلم
جه يقطع لفظ انفاسه
-------------------------
الكدب باله طويل
ويمشور مشوره
بص قدامك يا جاويل
الصدق مش وره
غيرك ياما جاه ويل
لما ماصدقشى مشوره
-------------------------
ناس بترمى بلاويها
وانا آخد فين بلاويك
بلاويا عليك ما أطويها
حتقولك بطل بلا وييك
-------------------------
يلا ياعالم مع التراب
اتخلط تانى منه جد
دى الدنيا قالت راب
وقماشك عايز ميناجد
------------------------
اه ياناس مع التراب
عايزه تتخلط من جد
يتجدد معدنها ماراب
كما سيف قش ماله حد
------------------------
تعبنا ياناس من لؤمه لين
وكلامه لابس له كذالك
لما قولنالهم طاب ماليين
قالوا ايوه واحنا كذلك
وتعبنا ياناس ماللؤم
الاغلب كله كذلك
مش ناقصه ياعالم شؤم
ولا رمامه ولا كذلك
------------------------
يلا يا عالم بلا لين
وكفايه نفاق للصعب
بطل تنفخ بلالين
الواطى مايلبس كعب
------------------------
حصل معايا اللى حصل
من عالم عميه فى قلوبها
لا يسوى جنيه ولا حصل
آهى عالم ولا شايفه عيوبها
-------------------------
ياحسودى وبعدهالك
يا ابو العيون متدوره
غنى فقير وانت مالك
اطلع قدام ارجع ورا
لجل ماتبقى فى حالك
برضوا ما مبطل نقوره
ما ابقتش اتفائل بفالك
والعيشه مرار متدهوره
------------------------
الفجر يا ناس آل فين
القمر راح وتا ه منى
وقليبى مسجون من عام الفين
فى قلب من بغرامه تاهمنى
----------------------------
جوه الدنيا دى اخره
والدنيا داخلها براها
كما فى البحرآهى باخره
وخالقها من الغرق براها
----------------------------
وان قولت لك انت الروح
وانت النشوه وانت الضى
هل هتصدق ولا مجروح
واللى مابينى وبينك حى
--------------------------
لما اختبرك انت اتفسر
اياك تسهى ساعات عا الذكر
ماتشوك ف رحمتى حتقصر
دولا عبادى احرار فى الفكر
فى آرائهم اياك تتعصر
والابيض مهمن شاف عكر
فى آرائهم بالخق يأثر
والظالم على نفسه حكر
-------------------------
الدنيا لعبه ف مسرحيه
والناجح من يعرف يمثل
واللى ما يدوقشى الاسيه
مش حيدوق طعم المعسل
-------------------------
واللى داء الكبر صابه
حتى ولو اقطاب دعياله
شيطان المنصب ان سابه
نفس السوء يلاقيها جياله
-----------------------
الكيف كيييف
الكيف كييف عايز التقييف
الكيف كييف غنى عالتعريف
كما خلقه مبهطل بس نضيف
حتى ولو اهطل بس برنس
ونجمه خفيف مالشتا للصيف
واللى عايز له ياعالم قرش
فى حبة فول او تحت الدمس
لازما يقول ارجوكوا انا ضيف
انا جايكوا خفيف وما متأخرش
واللى عايز له ربيع فى الريف
احسن من جو التكييف
فوق الحيط الشايله ده قنش
هاتى يابنت بوليس ولا فيش
ولا تنحمش ولا اغمز رمش
ده صنف يموت ان ماتنعمش
وادى جديد او كان وادى حيف
وده عالم ان مايحشش
ودماغه حشيش راحا يفضل جيف
----------------------------------
ولا حدش فى الدنيا سطلنى
غير سحر عيونك وخمرك
وفى قعدة انبساط طالنى
بحبك بقى ليه ما هو امرك
----------------------------------
قال انا وصلتك
قولت له وصلت بصبرى
قال لى صبرى مين
قولت له من امر صابر
قال لى صابر مين
قولت له رب العلمين
--------------------------------
واللى يراضى زمته
فى اللى خالقه ربنا
مهما الناس زمته
جميع خلقه حبنا
كل الاديان بقى زمته
ولا حد فى دينه سبنا
غير ناس حاسدين متزمته
----------------------------------
اه وياعالم ليه متغطى
على بعضه بورق الحرقان
امشى الخطوه بعيد ماتخطى
مالك ليه عرقان مرقان
----------------------------------
ناس واخدينها بالفرجه
وبكل بساطه ومحبه
طلعت ناس واطيه وجارحه
خير للغير او ليها ما حابه
---------------------------------
ولا حدش فى الدنيا سطلنى
غير سحر عيونك وخمرك
وفى قعدة انبساط طالنى
بحبك بقى ليه ما هو امرك
-------------------------------
آهى غلب عليها الامر
مصر ماجاتش ياناس
غير علينا وجات حطت
لما وقفت اه فوق الجمر
عفريتها طلع واتنطط
واحنا ادينا نفذنا الامر
هى مالهاشى فى شيلة الذنب
جات بذنوب غيرها واتغطت
حتى الماشى تحت الحيط
برضه جات فيه واتسطت
------------------------
رد السلام علينا واجب
والله اكبر عا الحـــسود
فيش عين تعلى على الحاجب
وعا اللى يعاادينى حاســــــود
---------------------------
غلط واخد له حقنة بنج
جات له ف عضل العبط
اتشنج لما قال انا كنج
جه واكله الطماع باللبط
-------------------------
فات الامل
فات الامل يلا الرحيل نرحل
ماحدش شاف ياناس عصافير
هى ومهاجره بتسأل ايه الحل
مالهاش ريش ولا حتى خفير
---------------------------
بصى عليا لو بصه
لجل القلب ما يشرب حن
شامم ناره نار بصه
عندى بخور يطلع جن
---------------------------
اصل الانسان كما الحمام
مايحبش غير مطرح غله
حتى ان كان وسط الزحام
ينقى وتصاحب ويتسلى
ان كان عندك حولك حام
وفى نظره شكلك كده حلا
---------------------------
وياعالم فيك اعاجيب
مهما حرصت ولا واعى
ناس تاكل ليه مع الديب
تحزن مع الراعى
---------------------------
ذمنا ذمن العجايب
ذمنا ذمن الاساطير
واللى مودى مع جايب
هموم ويلا من الاسى طير
--------------------------[/rtl]
[rtl]مش هتفصل ناس بمازاجك
ولا مع زين بس هتتعامل
دنيا ومهما اخدت مهاجك
برضه مافيش غير هوالكامل
----------------------
دايما يتثبت كرهه بنيه
سكناه دوده وكام حشره
بين اليمام فى فى بنيه
ماتقول للعالم ايه حشره
-----------------------
وش الغلبان اتقشر
من ضغط الظروف
نص ضاحك ومكشر
والتانى لوحة حروف
وكلام عيون ما متفسر
بتقول اعملوا معروف
غطيتنا بخشبه وبتنشر
مالقوت وما المصروف
وابو مين علينا الامافشر
وماجزش منا الصوف
ليه كل اللى بياجى يوفر
مايجيش غير عالخروف
وصباعه يمد عليه يأشر
من غير ضمير ولا خوف
-----------------------
قلبى حط فى اعتباره
انه مايصلح الا لغيرك
كيف حيغير خط مساره
بعد مارهبنته انت ف ديرك
ولا اسلام ولاحتى نصارى
قال انك تدبح يوم طيرك
غالى وراح لرخيص بخساره
-----------------------
احلى ما فى الجبنات
زرعوا فلوبنا بالقوه
صحيوا اهالى الجبانات
على حى ميت بلا مروه
-----------------------
قسوة زمن قرصت عليك
ان كونت اصيل بتحننك
على غيرك وبحبه تعاليك
وان كونت واطى تجننك
ولا حد يقولك تعال ليك
واجب ولا شكره يتمنك
-----------------------
ممكن اسامحك لما تعادى
لا قرص اسنان ولا مسك دقون
ساعتك تخلص وان متمادى
ولا خناقات ولا حتى سجون
------------------------------
اكتر حاحه اتفاجى بيها
قلة اصل الحاسد وحس
بطنه الماعرفش يعابيها
يجرح يشتم ليه كده بس
-----------------------
اتضح العالم انه فى جهل
ده لا قلب له ومخه لا دين
ياصحبى ولا حدش سهل
ماللى فاكرين قال مخلدين
-----------------------
يا حبيبى ناجى بالك
وهم مايخطر على بال حد
الا قلبى يشيل جبالك
حتى ان بحرك جزر ومد
واللى بعيد جواك ييجى بالك
حسسنى باحساس مش رد
-------------------------------
ارجوك يا صاحب عيش
حياتك على قد ظروفك
مامعاكشى ماتقولش مافيش
ماتوفرفى الجيب مصروفك
-------------------------------
ابعد عالناس تتباهى
بانك انت المختصر
وان جاتلك سيريتهم
صلى عليه النبى طه
على اعدائك تنتصر
واعمل بحق جيرتهم
وصلة الرحم تلقاها
-------------------------------
ماتقولوا فين العداله
شوفت الندل من قهره
عمل موقف نداله
لعلا ينول فى يوم شهره
------------------------------
قليل الاصل قال توبه
من قلة اصلى يا ناس
راح يتأصل غير توبه
مش عارف هو الاساس
اللى بيه مبنى ومتسيس
والواطى يدخل بضهره
فى اكبر حيطه ويتليس
لجل مايخلص من قهره
-----------------------------
نتانه ولجل مايوفر
والقرش مايدفعهوش
والمشوار قياله اتكفر
الانسان من نفسه ياهوه
قرب يوصل وقف تاكسى
ماوقفلوش والمشوار ماوصلهوش
قال ايه ده اللى انا عامله فى نفسى
بالى يغيب ليه اوقف تاكسى
بقى شى عجيب
-----------------------------
طهر قلبك طهر روح
ركعتين على استغفار
لما الله يسكن فى جروحك
فرقك ايه بقى ما الكفار
-------------------------------
القلوب بطول وعرض
بقيت فى ناس متسطره
وغمام اسود عا الارض
فى قلوبهم مطره امطره
عيشه ومفروضه فرض
كما ناس عيشاها ومضطره
-------------------------------
وكويس مغتنى بالحلم
ويسامح فى سفاهته يذيد
لأ ماتقولشى بس خلاص
كف الحق وسيفه شديد
ولا ينفعشى معاهم السلم
حقاش يقول بعدت بعيد
دنيا وعالم كل الناس
واللى مابيحسشى باحساس
متحرض عالناس تحريض
يفضل يفتى ومن غير علم
ولا حيشوف للعدل اساس
وبظلمه حيروح فى حديد
-------------------------------
قلبك لو بالخير حيريد
قيمتك تعلى كمان واتذيد
هى الرحمه اتخلقت ليه
لو بالكلمه الحلوه يابيه
ياللى فى اداميتك بتكيد
انت العبد وهو السيد
واللى الكره جواه ماليه
عدم الرحمه غيرها ماليه
--------------------------------
مصر ماهياش ناقصه حرب
كافيه الشر وقول ما انا خير
من يتمادى فى شرق او غرب
رايحه تكسرله المناخير
--------------------------------
ياللى بتفتح طاقه من طاقه
لجل ماتسرق وبعده تسد
ولا فيش حاجه بقيت من طاقه
صلح لجل مايسرق وهد
-------------------------------[/rtl]
[rtl]اه ياما عالم يتمنى
لو دخان اماين هب
يسرق ويخش الجنه
وان طلع لجل ماينهب
--------------------------------
صحصح ياللى هناك بتنام
صحح قوم وتعال بالفكره
اجمعها وماتقولش بكام
من تسوى حا تغلى مع الذكرى
حتى ولو فى شوارع الشام
ذبد الخير فى الميه العكره
--------------------------------
ده اللى اكل لى مع الديب
جاى يحزن لى مع الراعى
كام شاعر يابلادى اديب
يقرى الفكره لجل ما راعى
-------------------------------
لما تلاقى الجو خليط
مره بنسمه ومره سموم
ومره تلافى كتير شخابيط
ارحل بقى عنه يا مهموم
وابعد عن كل السلابيط
حتى ولو حا تسافر الروم
-----------------------------
لما تلاقى الجو خليط
مره بنسمه ومره سموم
ومره تلافى كتير شخابيط
ارحل بقى عنه يا مهموم
وابعد عن كل السلابيط
حتى ولو حا تسافر الروم
----------------------------
ذمان ياما كان ادب وأصول
على ما انه ماكانشى فيه شهايد
لما كان يسمع سيرة الرسول
كان يصلى عليه ويتذايد
كان بالبركه فيه موصول
وذمن دلوقتى شيطان سايد
------------------------
يابوى فكرالبال لاص
اللى فى آدميته محروم
ياما عالم زى البلاص
بطل تملى وهو مخروم
------------------------
ضعف الدين فى بعض الناس
شوش فكر وعمى بصايرهم
نتعامل من غير احساس
مرغم برضه وعما بسايرهم
--------------------------------
كان ياما كان فى زمان يتربى
قالوا العلم ادب قالوا منهج
دلوقتى بنطلون حازق مربى
واصبح منهم حتى اللومان هج
-------------------------------
يا ف قلبى وروحى وعينى
اياكى على من حب تلومى
وان كونت فى قلبك اوعينى
وان وشوشتك اوعى اتقومى
------------------------------
دايما يتثبت كرهه بنيه
سكناه دوده وكام حشره
بين الحمام فى فى بنيه
ماتقول للعالم ايه حشره
-------------------------------
مرض الاوهام انتشر
كلم نفسه سعادة البيه
قالها طز انتى وفشر
ما الفارغ جوه معابيه
-----------------------------
الدنيا تقعد ولا تقوم
عيب مصر واساطتها
لما تلاقيها ولت قوم
واللى ماتستاهل عطتها
------------------------------
رمى كلمه ولا جياولوا
ده الحاسس نفسه جبان
ولا غيره مهما يحاولوا
من دم الفار شربان
بلسانهم لما يتطاولوا
يهربوا لو ناب شر بان
-------------------------------
المانيا كسرت حواجيزها
بالستات حاربوا البطاله
واحنا فى مصر حوا جزها
بافكار مشلوله وبطاله
------------------------------
حط العيش فى مطرحه
الواطى ان كل منه حسيبه
لو تمنه كان جاب مطرحه
افخر بيه وابقى حسيبه
-------------------------------
لما دموعك نزلت ليا
مش معناها ان انت وفيت
لو بصحيح كده باقى عليا
لو بصحيح ولا كونت بكيت
كونت حاتوقف وقفه بجد
مش على شانك ولا على شانى
لبهيمه يشدوها تتشد
عشرين سنه بتضيع فى ثوانى
والقصه طلعت اغنيه
هو الحر يكون كده برضه
يا هفيه ولاى حد
ولما يفلت عنكم تتمارضوا
وعايزانى قال ايدى تتمد
يابهيمه وانا مالى بالليه
ايه كان فيك وانا حبيت ليه
غير تمنك اتريك بوشوش
كيف بالغصب وافقت عليه
فاكرك ماس اتريك مغشوش
لما لونك بالميه ظهر ليا
---------------------------------
ايه حصل ياذمان
دنيا وفيها العجب
فاكرين صايمين رمضان
طلع اللى انصام ده رجب
-------------------------
لاخوان لما لقيوا فريسه
اه يادى الوطن المسكين
الذاى بحتة هريسه
يفضلوا بيها سنه ماسكين
-------------------------
عامل كريم ونضيف
ووشه وش مناضر
لما جاله مره ضيف
شافه وعمل ماناضر
------------------------
الرزق ماهوش حنسه
ولا تنفع فيه تتوسل
امشى الخطوه وانسى
ولابد انت ماتتوصل
------------------------
ليه الذمن بقى بيصور
قلوبنا صوره بصوره
لما بقى ولا حصن مصور
بطوبه سالمخ وطوبه مكسوره
---------------------------
قلوبنا ليه تحت الرحى
ولا القمح المصحون
وياما قلوب متجرحه
والدم يملى الصحون
--------------------------
اللى انت ضاع مالك
ع الظالم وع اللصوص
كل العرب داعمه لك
وانت اللى مريى السوس
---------------------------
ياللى فيكى لزازه
حتى فى اكرام الضيف
ما شوفتش فيكى لا ظاظا
الا غير بدم خفيف
----------------------------
مافيش شاى يتصب
تغليه على مرتين
تنقص له الميه بيتكب
ولا تنفع معاك مرتين
----------------------------
يا ريتنى ماركبت الهاى جيت
ولا حتى الجونا ولا الجو باص
ياريتنى ماشوفتك ولا جيت
ايه اللى رمانى فى هواك بس
-----------------------------
جرب واجرى وراها
ولا بياع بيبيع الامونيا
ولا حاتشوفشى الا قفاها
بعض الناس اهو زى الدنيا
هى اللى اتحب تجرى وراك
--------------------------------
ياللى شايلك ذنب
جاى لى بيه متحجر
يلا ابعد خدلك جنب
يلا بعيد روح واتفجر
--------------------------------
كاره نفسه وكاره روحه
كاره انه يكون بنى ادم
رامى بلاه عالناس وجروحه
تعمل خير فيه ليه وتتصادم
-----------------------------------
ما تردش كلمه لسفيه
لجل مايعرف قيمته
مهمن اخد لسه فيه
من سفاهه ويا شيمته
----------------------------------
ليل صبح بينطوى
فوق قلبى ودراعه
من فراق لحباب مستوى
ومن لقى العذاب وصراعه
-----------------------
لو عندك صح عفاف
ولا تأمن جبان يخون
لجل ما هو بيخاف
حتى ان كان بيصون
-----------------------
واللى مايوعاش نفسه
واللى مايوعاش روحه
مين اللى حيوعاه
مابين عالم متكدر
ضعيف ايمانه بالله
لا بقى عارف اللى اختاره
هو النفسه بايده
ولا بقى عارف من كارهه
ولا بقى عارف اللى يريده
فى غلطه يقول متقدر
والمكتوب بيصارعه
ولا حامد عاللى معاه
ولا عمره حتبرد ناره
الا اما يطاوع سيده
ويخلص كمان لنواه
سبحان الله فى عبيده
فعلا سبحان الله
-----------------------
اشوف الفرحه فى عيونك
والقمر على وشك ضاوى
قلبى يمرض من دونك
ولا اقولش لغيرك داوى
-----------------------[/rtl]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مربعات الواو للشاعر\خجازى يونس العمارى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شاعر الأقصر حجازى يونس عمارى :: مربعات فن الواو للشاعر حجازى يونس-
انتقل الى: