شاعر الأقصر حجازى يونس عمارى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

شاعر الأقصر حجازى يونس عمارى

إبداعات متنوعة من ألوان الشعر العامي العربي
 
الرئيسيةالرئيسية  أحدث الصورأحدث الصور  التسجيلالتسجيل  دخولدخول  

 

 مربعات الواو

اذهب الى الأسفل 
كاتب الموضوعرسالة
حجازى يونس عمارى




المساهمات : 54
تاريخ التسجيل : 25/07/2015
العمر : 46
الموقع : hegazyyounis59@gmail.com

مربعات الواو Empty
مُساهمةموضوع: مربعات الواو   مربعات الواو I_icon_minitimeالأحد يوليو 26, 2015 10:20 pm

اعمل حساب جارى
عالراس احسن مالخوزه
ولاحتى كمان حساب جارى
ده الجارى افضل للعوزه
***
رقاص الساعه بيرقص
على طبل الذمن البيمر
كل مايزيد كل ماينقص
وكل ماحلى عاد ذادمر
***
خاف الجبان والقله
ولا اتخاف الاسوده
مايوقع ومالأرض تقله
يخلى عيشتك سوده
***
صليت على سيدنا ونبينا
حسيت فى لسانى حلاوه
يارسول الرحمه نبينا
بصلاتك ذيدنا غلاوه
***
كان الشعب فى عهده
ولاعساكرتحته فى طاوله
من غير مايحرك يده
سرقنا وسرق الدوله
***
اللى اوعر مالعطش
حسرة ميه فى مجاريك
لوباب مقفول يتعطش
اهم شى يجاريك
***
كتر خير العقول
وجمالك منجه سينارى
وقعتى فى شوكة عقول
آه لو صادك صنارى
***
ولا تيأس مره فى ضيق
فتش حتلاقى امل
وأختار الصدق صديق
النجاح فيه محتمل
***
انت ياصاحب البليه
ابلى ماتبلى ياخالى
ده انا حتى طولة البال ليا
يادقيق ماتسوى نخالى
***
ماتشوفوا الفقرى من فقره
جه الجمهور وملى المطرح
مالحقش يقدم ولا فقره
وما جاش زلزال غير عالمسرح
***
ياللى كارهنى تعابين
قلبى فى بحره معاه قارب
لو غدرك لدغ التعابين
اناقلبى بلسم لعقارب
***
قلبى بعد مالوى بوذه
دلوقتى بيضحك غصب
اكمنى شربت البوظه
علشان انسى النصب
***
فين ايام الكسره
0وحتة طمطامه مع جبنه
بالطمع الناس منكسره
0ذمن كباب بقى ماعجبنا
***
قلبى اتوضى غسل كعبه
واتوضى وضوء شامل
وطاف حوالين الكعبه
بيت المكمل كامل
***
قصدت باب الرسول
على قلبى مكتوب التوبه
بالدمع كان مغسول
واللون الابض توبه
***
ياما ناس لها وشين
وياماناس لها سبعه
فيهم قال زين وشين
والسبع مالهوش سبعه
***
ياما ناس مايجوش ضعفك
حابوك الضعف اضعاف
لكن لو شموا ضعفك
ياكلوك علشان ضعاف
***
فى ناس ماترتحلكش
الاومايكون معاك
محبوس ماتفتحلكش
ولومعاها مفتاح
***
يلا شوف نرجس
اللى على قلبى اتقاست
بتقول لى قيس يامهندس
بعد المسافات ماتقاست
***
فقرى وقال حشيش
0سلطن برم شناباته
ولا رمى لجاموسته حشيش
وحرامى قطف عنباته
***
الاصل قصة قماش0
على صاحبه متفصل
مايلبسوه الاوباش
0مايلقشى غير على متأصل
***
ياللى قلبك دهبك ماسك
0ومشاعره على بره بترسى
سيبى قلبك فى الحب ماسك0
راح اشدك لما ألفه بترسى
***
في ناس عشان بطال
0تاكلك ولو برى
عيش بطل الابطال
0يهابوك لو انت جرى
***
بنقول الخبس يابوى كار
0على جفنه يرمى حواجبه
على ماانه الجفن ده نكار0
اهوحرص وماحد عاجبه
***
احنا ياعالم بيرنا
0ولا الذمن اللى بار
بنقول اهو احنا كبرنا0
كلام سكاره فى بار
***
الثوره زى الشيطان
0اللى بيدخل جسم
ماتعرف مين غلطان0
وكل شويه بأسم
***
مخك لو المك0
ووقف معاه تركيزك
استرخى وسيب قلبمك
0واشرب مالراحه نبيزك
***
ياقمر الليل تعا قرب0
مستنى وكام مسافات
سايبنى ليه ومتغرب0
تعاقرب المسافات
***
غلبان عزم سفها0
استكبروا وحراجوه
وفى يوم قال عزم الفقها
0اتواضعوا وفى الحارهجوه
***
البنت زى الحيط
0تبلط فيها ماتبلط
وتشد فيها بالخيط
همك فى الخط امبلط
***
جه ليل البلد البعيده
وجاب معاه كذا ليل
عدوا وقالوا لى سعيده
وانا فى ليل مذاليل
***
قلوبنا تحت الرحى
ولا القمح المطحون
وقلوب كتير متجرحه
ولمادمها ملى الصحون
***
الذمن ده خاف الخساس
لاتخاف عفريت ولا صل
ماتنسى الموقف ينداس
ولابد فى عضمك مايصل
***
سمعنا عروسته بتصرخ
آتريه ياحواش حوش
لاقادريدبح ولايسلخ
وقالت له نام فى الحوش
***
قمر فى الصبح ماشى
لقى الشروق جايه
اتقابلوا قال عالحواشى
فضه ودهب عالميه
***
العبط لو سقناه
من غير اى فرامل
باللؤم سقناه
ماتقول للى افترا .مل
***
مهمالبس الخسيس
برضه مش خايل
مايقسيسوه تقسيس
من الاصيل متخايل
***
الفقرى لما يحشش
يضحك ويقول اناملك
ويشوف الناس قال يتغشش
وماشى على ذنبلك
***
اتبسمى لى ياغردقه
يالابسه مايوه باكينى
ليه لناس وناس متحزقه
واشمعنا انا اتبكينى
***
قليل الاصل وما اتخلق
لاتقدر تعاتبه ولاتلومه
ده زى البقعه فى الخلق
لاتطلع برابسوا ولا اوموا
***
الواطى ولا له قلب
وماتيجى الدنيا ماشياله
وتقلب فيه عاد خيرك قلب
دى بيوت واطيه ماشياله
***
جه اللئيم يكرم
علشان يبقاله معيار
عمر الكريم مابيحرم
ولاينقص فى العيار
***
فكر الاخوانى ظللط
عالارض وقع من راسه
واتعبى مكانه ظلط
عنده فى العند فراسه
***
الاصل ياما اشترى
0ووقع فى فالصوا كتير
خسيس بغشاوته اشترى
لمافاق عرف الكبير
***
قمة وجبل الظلم
اياك عالضهر تقلوا
هدوا بفاس الحلم
وارمى عالارض تقلوا
***
بلدنا واقفه على بلاطه
حوالينها الهم رخام
واللى مصحون فى الخلاطه
وكاس الصبر خام
***
لابقى عاد فيها ميص
ولالبن ولا حتى جبنه
دى مصماصوها مصميص
عالمليارات استعجبنا
***
قلبى حب الرسول
طلعت منه الخطايا
بقى فآل البيت موصول
وذنوبه متخطايا
***
كيف بالبالون تصطاد
لوسمكه شديده شويه
حتشدك بالمنطاد
تستفرد بيك فى الميه

عود القصب ان كان ماوى
0لو مية دكتورماحيشفيه
لا يسمده ملح ولاكماوى
طولماحلاوته ماهيشفيه

والهى ماتستاهل
0ولاحبة ملح فى زورك
طول مانت بتتجاهل
نسلك واهلك وجزورك

لو حك فى راسه وفكر
اعرف راجل المدام
حيشاور ويرجع يتنكر
وعمره كلامه مادام
***
يامعلمنى الغرام
ورامينى فى حرقتك
انا برفض اى حرام
وموافق على فرقتك
***
الذمن بقى بيصور
قلوبنا صوره بصوره
وقلوبناحيط متسور
بطوبه نيه ومكسوره
***
مابين وش الشروق
وقفى الغروب جه ليل
ماتبص فى قمره وروق
ماتقولشى عالم جليل
***
اياك وطريق لخوان
كلها دهاليز واتوه
مادخلش فيها انسان
الا وكان زين واتشوه
***
سهران الليل متقلق
عالصبح رايح جاى
عنقود عصافير متعلق
فى سطح مخى ياباى
***
الرزق ماهوش حنسه
0ولاينفع فيه تتوسل
امشى الخطوه وانسى
ولا بد ما تتوصل
***
يا ابرد مالبرود
وبرود لخوان مآلمنى
انا نفسى ابقى بارود
واضرب فى اللى ظالمنى
***
انا حفرد للنهايه
جنحاتى بالكلام
وحدور الرحايه
اطحن كل الآلام
***
عامل كريم ونضيف
ووشه وش مناضر
لما قابل اول ضيف
قال ايه عمل مش ناضر
***
الاخوان لقيوا فريسه
0اسمه الشعب المسكين
عشنا وشوفنا حلاوه هريسه
0يفضلوا بيها السنه ماسكين
***
اشمعنا العالم البرانى
يسرق ويسيب كيلوا لحمه
طاب ليه احنا لا باميه ولا برانى
غير الهموم فينا مالحمه
***
ليه ياليل لامم المهاويس
غلقت عليا بيبانك
ولا تمساح فى هاويس
طلعت عليا نيبانك
***
اجنبى والثانيه بسنه
لما جه قولت له دقيقه
ليه ياربى فى همى بس أنا
زى اللى دالق دقيقه
***
بحلف والهى ماعبرك
ولا بحبة تراب
خايفها تيجى تغبرك
تكسب على ايدى ثواب
***
مهما الواطى سرق صيت
الاصل دايما بيبان
ومهما مع الواطى قسييت
وشوشنا وجايه وبيبان
***
مشى حرامى وجه مرسى
تمشى الفاره تيجى عرسه
يبقى العيب عاد فى الكرسى
امتى بخير يخلص عرسه
***
ده الحب ياخى مايدراش
مهما بلدغ عازولنا عاتبنا
ده القمح غالى مايدراش
لو التعابين جات على تبنه
***
بعد ماعدينا الكيمان
طفنيس وكوبرى اسنا
بعد ما دوقنا سنين حرمان
لفاحنا الهوا وانعسنا
***
لما عزرائيل جه لأجلى
0شافنى وتنك ماشى
انا فاكره عمل كده لجلى
اتاريه معادى ماجاشى
***
عالواطى ياألف خساره
لا لحق غنى ولا سمعه
ولا لحق لحد النصاره
ولا حتى صلاة الجمعه
***
ماتلفيش حواليا شباكك
انتى فى بحرى يادوبك سمه
اقفلى بابك على شباكك
0واجرى ياشاطره بعيد مالشبكه

اذا كان ياناس الكلب
0لعب لسته حواجبه
بقى متشال فى القلب
علشان بيأدى واجبه
***
اياك وطبع السفيه
يفرض عليك نفسه
لو جيت فى يوم تصافى
يشم عليك نفسه
***
من يوم ماولدنا بنتأوز
مصر المجنونه الملحوسه
بعد التلاتين جيت بتجوز
لقيت حلة ثوارات ملحوسه
***
سألت زمن العجب
قال لى وانا مستعجب
على اللى سكروا فى رجب
علشان رمضان اوجب
***
ليه بلاتينى بطبعك
ياناهشه قلبى بعيونك
ودمه ملى كل مطابعك
مالكيش غير اللى يخونك

قال جم يطلعوا الاول
علشان خبثه وجخاره
قوم ياميزان اتحول
علشان يطلعوا الاخاره

ما تقولشى يا قلبى وداع
ولا انتى تبكى ياعين
اللى يبعنا باع0احنا نبيعه باعين

سوا بيكى او ببلاكى
اللى اختارت احاسيسى
لو كان ربنا ابلاكى
ماحيحمكيشى السيسى

لما رجعنا سألنا زمان
أيه يازمان كانت الملاليم
من ورا بابه قال كان امان0
ياللى لايمنى عالملا ليم

مربعات الارابيسك
كداب قال فشخ الليل
عدى بين ضلمته
على مانه خاف زليل0
وبيجرى فى ايده جزمته
يادوب سمع شخاليل0
لما حلناه من ازمته
فضل ينادم يام خليل
بيدور قال على حرمته

الهفيه فى الصعيد
لما بينكر عزوته
ويروح يتلزق فى البعيد0
ويقول ده خاله وعمدته
كل يوم ملطوش بأيد
اوطى بكتير من جزمته
اخول خويل لو كان شديد
وياويل ابوه من ردمته
بيرسلوه زى البريد
وياريت حاسين بمحنته
تعمل له ايه انسان شريد
يغلط فى عمه وعمته
ليه الواطيين زى الجريد
المقطوع فوق نخلته
النخله بتنضف واتزيد0
لو عقادوه فى سطح ده اخرته

فى صنف بشر بقى كلب
داير فى القياله
يفضل جعان فى القلب
ولوراح لقطب دعاله
اوقلب الدنيا دى قلب
حيعيش على مال الزنا عاله
***
شيخ العرب قال انه جه هون
ودقيت بأيدى فى قلبه ياعاصمه
وياما جابوله لما جه هون
فى اللى كرامه ولا دين عاصمه
واخدينها فتاحه وجهجاهون
لما علم العار بقى واصمه
***
قلبى المطحون تقاوى
والهم فيه بقى رايب
يكفيك شر البلاوى
لما تكون لك قرايب
***
قلوب جواها ليه عقيمه
لو داوت ياخى دواها يبلى
انسان بلاقلب ماله قيمه0
مايكون معاه ايه جايبلى
***
لما رجعنا سألنا ذمان
أيه ياذمان كانت الملاليم
من ورا بابه قال كان امان
ياللى لايمنى عالملاليم
***
حلاقوها حلقة زلابطه0
والشعر ماعايز يخضر
بعد مازلاطوها مازال بطه
0عماله فى التجميل بتخضر
***
مالك حزين ياغاب0
ومعاك خليتنا حزانه
من يوم حبيبى ماغاب
جروح فى القلب حزانا

اكل العيش بقى مر
والنيل مليان قراميط
يلا ياحوت عدى ومر
ماتسيبشى اولاد الشرا...

خسيس كما قربه مقطوعه
لا ينفعه نفخ ولا عبى
والرقعه فى توبه ملطوعه
لاجوخ يداريها ولا عبى
لو كل العالم جه لطوعه
لاينفع لباطى ولا عبى
***
اعمل شر يااللى انت شر
عمرك ماتشوف الخير
واعمل خير تلاقيه انتشر
تبقى الاول لو انت اخير
***
راح قفص العصافير
عشان يقول ياجواز
عشق اللى ابوها سفير
ضراب له عالجواز
***
لاليهم بيت ولاحيط
ولاحتى زرعه فى ارض
ولاحتى ابره فى خيط
عالكبر انفرضوا فرض
***
يا غاوى الورده فين شمك
زوقك يوصفها ولا يجادل
لاحسن لوجيت على ماشمك
ده الشم موصوف للراجل
***
حاول ماتحاول دى النسمه
للى بتغواه وبيغواها
لوكانت ليك طاب بالقسمه
حاتطلعه كيف من جواها
الشاعر \ حجازى يونس العمارى
الرجوع الى أعلى الصفحة اذهب الى الأسفل
 
مربعات الواو
الرجوع الى أعلى الصفحة 
صفحة 1 من اصل 1
 مواضيع مماثلة
-
» مربعات الواو
» مربعات الواو
» مربعات الواو
» مربعات الواو
» مربعات الواو

صلاحيات هذا المنتدى:لاتستطيع الرد على المواضيع في هذا المنتدى
شاعر الأقصر حجازى يونس عمارى :: مربعات فن الواو للشاعر حجازى يونس-
انتقل الى: