أخلاقك
حقولك كلمه وياريتك
أخلاقك وطنك ونسلك
اخلاقك من اهلك بيتك
طريقه نمشى ونسلك
وابوك يفرح ويقول ربيتك
ولا اعداء فى كرهك تملك
ماهو كتر من قال حبيتك
***
اخلاقك سلاح مصنوع
من قلب يماشى الاخلاص
وشرفه بوسام مرفوع
فى تواضعك لسيد الناس
سيدنا النبى هو الموضوع
ولا تغلط ده اللفظ رصاص
مالقلوب تصبح مخلوع
***
اخلاقك بلدك وسيرتك
بين كل البلدان كما رايتك
مرفوعه وبتفك عسيرتك
افضل من علمك وقرايتك
اخلاقك محبوبه فى جيرتك
والعالم يصبح يا مرايتك
اخلاقك هو خط مسيرتك
كلمات \ حجازى يونس عمارى