انا الصعيدى الجوانى

أنا الصعيدى الجوانى
فى يدى ورده بتهوانى
لقيتها على خط اسكندر
هى وماشيه بتتغندر
سألتنى من فين ها اللسمر
قولت لها والله انا اسوانى
بضحكة النوبه الشارحه
قلب الواقف قدامى
بعد يومين طيفها ندالى
قالت ايوه بتهوانى
والساعه سته حاروح اقابلك
ياحبيبى على شط ميامى
روحت لها تحت الشمسيه
قعدنا يوم ومايتعوض
لحد قمر العشيه
مابين مراكب وموانى
جيبتلها تسالى وعسليه
وانا قولت لقلبى ماتتعوذ
عليها البنت العشريه
مالك مكسوف ماتتروض
وكونت لما بنهى كلامى
تقولى احكى لى كمان ذود
يافارس قلبى واحلامى
سافرنا قبلى على العيله
وصلنا القطر ف تعسيله
وكتبنا كتابنا مابين ليله
والتانيه كونا عدينا
لربيع العمر التانى
مع ورده نسمتها جميله
واحلى ليالى موعدانى
كلمات\حجازى يونس العمارى